هيـــــــــا تغزل - عـــــــــــــــابرة سبــــــــــــــــــــــيل

هيــــــــــــا تـــــــغزل


كل مااتصل فيك صبح وليل تشكي لي

من عوج الاوضاع والدنيا ومتاعبها


مليت يا صاحبي مابيك تحكي لي

هالأسطوانه أنا مليت مطربها


حتى خيالك بتال الليل ياتي لي

جروح وعيون معقوده حواجبها


عيشتني بعالم ماهو على جيلي

زهرة شبابي حرام انك تخربها


ياما هجرتك ولا كملّت ترحيلي

حبايب ما تعبر عن حبايبها


حبيبتك ما تحمّل هالبهاذيلي

إضحك معاها ولاطفها ولاعبها


هيّا تغزل وغن وزيد تدليلي

البنت ياحبها للي يداعبها


قلي وش رايك بفستاني ومنديلي؟

الوانهن تعجبك .. أو مانت راغبها؟


وقلي وش رايك بعقدي مع خلاخيلي؟

وشف قذلتي يوم قصينا ذوايبها


وقلي وش رايك بأطباعي وأقاويلي

لاحظ عليها وغيّرها وشطّبها


خل بيننا انقاش وعلوم وتعاليلي

وآمر على البنت وان حبيت طالبها


يامدمن الهم كافي دمع بالليلي

بكره تشبع من الدنيا ومصايبها


دنياك والله .. ماتسوى التزاعيلي

حتى ولاهي بكفو اللي يعاتبها