مدى الحياة

ياحبيبى ليه تبكي كل ما شفتك وعينك لي
تخاف أموت ياحبيبى ... وقبل الموت تبكيني
كفا ياحبيبى لا تبكي وأنا موجود معك وحي
أجل بعد الرحيل أشلون في قبري توطيني
حبيبى لو تموت الناس ماتسوى دموعك ذي
وأنا ياحبيبى ميت قبل أموت وأنت محييني
قسم بالله ياحبيبى لجل عينك شربت الغي
جرعت الهم والحرمان وبحر الويل يسقيني
تحملت السنين اللي طوتني في عذابي طي
وصار الجمر بكفوفي .. وتحت أقدام رجليني
ياحبيبى ماعلى عمري حسافه ولا بقا بي شي
ولكن بطلبك ياحبيبى تكفا لا تخليني
حبيبى مابي غيرك يغسل جثتي بالمي
وتكفا قبل لا أتكفن .. ياحبيبى فكلي عيني
بأمر الله يمكن ألمحك وأرحل في عيني ضي
وودع وجهك الطاهر مع دنياي وسنيني
وخل الناس تحملني وترفع راسي ورجلي
وتأخذني على قبري وتكسب أجرها فيني
وأذا جيت القبر يا حبيبى نزلني شوي شوي
ووجهني لبيت الله .. وقبلة المصليني
وحط الطين وأدفني وعز اللي يعزي في
ثلاث أيام ياحبيبى .. يواسوك المعزيني
ورابع يوم يا حبيبى تذكر .. ضحكتي وعني
تذكر وش كنت أقول يوم أنك تناديني
تذكر يوم كنت أنام في ظل النخل والفي
تجي يمي تصب الما..على وجهي وتصحيني
تذكر جرة الموال وصوت في حباله كي
تذكر يوم أغني لك قصيدي وانت توحيني
تذكر ضحكتك لا قلتلك ياحبيبى عشقي انتي
تذكر كم قصيدة خافيه ما بينك وبيني
تذكر كل شي كان وأذكر يوم انا حي
ولكن أسالك بالله ياحبيبى لا تبكيني
مدى الحياة