ألبـــــــــــوم صور - كريـــــــــــم العــــــــــراقي

ألبــــــــــــــوم صــــــــــــور

بعيده عني من سنوات

لا سامع خبر عنك ولا انتِ عرفتي وين

ومساء البارحه أصحابي

عندي في بيتي سهرانين

نتحدث ونتسامر

بين الضحكه وبين الآه

ألبوم الصور شفناه

شافوا صورتك إنتي

واحد قال بأسعد حال

وتقول إخلصت منه

حياتي معاه كآبه وآه ومحظوظه ابعدت عنه

رد الثاني : لا والله

شفتها لابسه الأحزان

وسلوتها بمدامعها

وإذا اسمك يذكرونه

ندمها يرجف أصابعها

وحكى ثالث وحكى رابع وحكوا كلهم

وإجا دوري حكيت آنا

وأحق الناس لو قلبي حكى عنها :

صحيح احنا تفارقنا وتغربنا وتعذبنا

وفوق أشفافنا الأيام

جرحت أغنية حبنا

بس لليوم يسعدني اللي يسعدها

ويحزني اللي يحزنها

بلغوها تحياتي

إذا ايأست من حبي

أنا ما ايأست منها

كــــــــــــــريــــــــــم العـــــــــــــراقـــــــــي